“Liverpul” və Misir yığmasının hücumçusu Məhəmməd Salah, PSJ və Mərakeş millisinin müdafiəçisi Əşrəf Hakimi və “Napoli”nin və Nigeriya millisinin hücumçusu Viktor Osimhen 2023-cü ilin ən yaxşı afrikalı futbolçusu adına iddialılar arasındadır.

Matc.az xəbər verir ki, bu barədə Afrika Futbol Konfederasiyasının (CAF) mətbuat xidməti məlumat yayıb. 2023 CAF Mükafatlarının təqdimetmə mərasimi dekabrın 11-də Mərakeşdə keçiriləcək.

Qeyd edək ki, Afrikanın 2022-ci il üçün ən yaxşı futbolçusu o vaxt “Bavariya”da çıxış edən “Əl-Nasr”ın seneqallı hücumçusu Sadio Mane olub. Salah 2017 və 2018-ci illərdə ən yaxşı kimi tanınıb.