"Trabzonspor" ÇSKA-nın mərkəz müdafiəçisi Villian Roşa üçün 5 milyon avro təklif edəcək.

Matc.az xəbər verir ki, bu barədə yerli mətbuat məlumat yayıb. Braziliyalı türk klubu üçün prioritet seçimdir. Mənbənin sözlərinə görə, “Trabzonspor” idarəçiləri yaxın vaxtlarda moskvalıların nümayəndələri ilə əlaqə saxlayacaqlar. Qeyd olunur ki, futbolçunun özü də karyerasını Türkiyədə davam etdirməyin əleyhinə deyil.

Qeyd edək ki, Roşa ötən ilin sentyabrında 2 milyon avroya Portuqaliyanın “Portimonense” klubundan ÇSKA-ya keçib. 2023-2024 mövsümündə müdafiəçi 22 oyun keçirib, 1 məhsuldar ötürmə edib, 7 sarı və 1 qırmızı vərəqə qazanıb