“Səbail”in qış hazırlıq planı bəlli olub. Matc.az xəbər verir ki, Premyer Liqa klubu mövsümün ikinci yarısına Türkiyədə hazırlaşacaq.

Baş məşqçi Şahin Diniyev yanvarın 5-dən 17-dək komandaya Antalyada hazırlıq keçəcək. “Miracle Resort” hotelində məskunlaşacaq bakılılar 2 yoxlama matçında qüvvəsini sınayacaq.

“Səbail” əvvəlcə yanvarın 12-də Rumıniya Super Liqa təmsilçisi “Universitatea Kluj”la, üç gün sonra isə Rusiya Premyer Liqa komandası “Fakel”lə üz-üzə gələcək.

Qeyd edək ki, “Səbail” hazırda 26 xalla Premyer Liqanın 3-cü pilləsində yer alır.