"Mançester Yunayted" yayda heyətini "Kristal Pelas"ın 26 yaşlı hücumameyilli yarımmüdafiəçisi Ebereçi Eze ilə gücləndirmək istəyir.

Matc.az xəbər verir ki, bu barədə "TEAMtalk" məlumat yayıb.

Bildirilir ki, "qırmızı şeytanlar"ın baş məşqçisi Ruben Amorim ingilis futbolçunun komandasına yaxşı uyğunlaşacağına inanır.

Kristal Pelas" Eze üçün 60 milyon funt-sterlinq (71,4 milyon avro) başlanğıc qiyməti təyin ediblər. "Mançester Yunayted" 26 yaşlı futbolçu ilə yaxından maraqlanan "Tottenhem"lə rəqabət apara biləcəyi vurğulanır.

Qeyd edək ki, bu mövsüm Eze bütün turnirlərdə 31 oyun keçirib, 6 qol vurub və 9 məhsuldar ötürmə edib. İngilis yarımmüdafiəçinin klubla hazırkı müqaviləsi 2027-ci ilin yayına kimi nəzərdə tutulub. "Transfermarkt" portalında futbolçunun dəyəri 55 milyon avrodur.