03 Aprel 2025, 12:16
FUTBOL

"Həmin anda hakimin harada dayandığını bilmirəm, amma nə üçün VAR-a çağırılmadığını da başa düşmürəm. Nə üçün VAR mövcuddur?"

“Sabah”ın futbolçusu Coy-Lens Mikels ötən gün “Neftçi” ilə görüşdə yaşanan qalmaqallı epizoddan danışıb. Matc.az xəbər verir ki,  almaniyalı hücumçu oyuna əlavə olunmuş dəqiqələrdə ona qarşı edilən kobudluq zamanı rəqib qapısına təyin edilməyən penalti epizoduna münasibət bildirib.
 
“Mən topu ötürdükdən sonra rəqib futbolçu açıq-aşkar mənə qarşı kobud oynadı. Həmin anda hakimin harada dayandığını bilmirəm, amma nə üçün VAR-a çağırılmadığını da başa düşmürəm. Nə üçün VAR mövcuddur? Monitorun qarşısında oturub epizodu geriyə ötürərək 11 metrlik cərimə zərbəsini təyin etmək o qədər çətindir? Bunun adı biabırçılıqdı. Mənə maraqlıdı ki, hansı bəhanələri deyəcəklər” - deyə, futbolçu bildirib.
 
Qeyd edək ki, Azərbaycan Kubokunun yarımfinalında keçirilən “Neftçi” – “Sabah” matçı qonaqların 2:1 hesablı qələbəsi ilə başa çatıb. qafqazinfo.az

XƏBƏRİ PAYLAŞ
  • gplus
  • pinterest