AFFA İntizam Komitəsinin iclası keçirilib. Matc.az xəbər verir ki, toplantıda ölkə kubokunun ilk yarımfinal oyunlarında qeydə alınan pozuntulara hüquqi qiymət verilib.

Dünən “Qarabağ”la baş tutan görüşdə 4 futbolçusu sarı vərəqə aldığı üçün “Araz-Naxçıvan” 700 manat cərimə edilib.

“Sabah”la oyunda azarkeşləri tərəfindən pirotexniki vasitədən istifadə edildiyi üçün “Neftçi” 1500 manat ziyana düşüb.

Həmin oyunun 90+3-cü dəqiqəsində “Sabah” klubunun məşqçisi Aleksey Antonyuk hakimləri təhqir etdiyi üçün birbaşa qırmızı vərəqə ilə cəzalandırılıb və 3 oyun şərti olmaqla 5 oyun cəzalanıb. “Sabah” isə bu səbəbdən 4000 manat cəriməyə məruz qalıb.