"Lokomotiv" və "Kürdəmir" komandaları yarışdan uzaqlaşdırılıb.

AFFA İntizam Komitəsinin iclasında aşağı liqalarda baş verən neqativ hallarla da bağlı qərarlar verilib. Matc.az xəbər verir ki, U-10 Liqasında çıxış edən iki komanda qurum tərəfindən çempionatdan uzaqlaşdırılıb.

Söhbət "Lokomotiv" (Ucar) və "Kürdəmir" komandalarından gedir.

“Lokomotiv” "Şamaxı" ilə oyunda təyin edilən vaxtda meydanda olmayıb və 0:3 hesablı texniki məğlubiyyət alıb. Bu, üçüncü dəfə təkrarlandığından komanda yarışdan kənarlaşdırılıb.

"Kürdəmir" isə "Çinar" (Göyçay) ilə qarşılaşmada meydanda olmayıb. Bu hal üçüncü dəfə təkrarlandığı 0:3 hesablı texniki məğlubiyyət alan komanda yarışdan kənarlaşdırılıb.