“Arsenal” ciddi itki ilə üzləşib. Matc.az xəbər verir ki, müdafiəçi Qabriel Maqalyayes sıradan çıxıb.

27 yaşlı braziliyalı Premyer Liqanın 30-cu turunda “Fulhem”lə oyunda zədələnib. Nəticədə Qabriel 16-cı dəqiqədə əvəzlənib. Oyunçunun sağlamlıq durumu barədə tibbi müayinədən sonra açıqlama veriləcək. Maqalyayesin təxminən 2 həftə yaşıl meydanlardan uzaq qalması gözlənilir.

Qeyd edək ki, “Arsenal” qarşıdakı 15 gün ərzində Çempionlar Liqasında iki dəfə “Real”la, həmçinin Premyer Liqada “Everton” və “Brentford”la üz-üzə gələcək.