Ueyn Runinin 2010-cu ildə “Mançester Yunayted”dən “Real”a keçmək imkanı olub. Matc.az xəbər verir ki, bunu ingiltərəli sabiq hücumçu özü açıqlayıb.

Runi Madrid klubuna keçməməyinin səbəbi kimi “Barselona”da oynamaq arzusunu göstərib: “2010-cu ildə “Mançester Yunayted”ə yeni müqavilə imzalamaq istəmədiyimi və transfer üçün müraciət etdiyimi bildirdikdə üç klub mənə maraq göstərdi. Real təkliflər “Çelsi”, “Real” və “Barselona”dan gəlmişdi. O vaxt İspaniyaya köçməyə hazır idim. Bir neçə gün ərzində “Real”la müqavilə bağlamaq ən mümkün variant kimi görünürdü. Lakin ən çox “Barselona” haqqında düşünürdüm. Təsəvvür edirdim ki, Lionel Messi, Andres İnyesta, Xavi və Serxio Busketslə yanaşı oynaya bilərdim. Sonda “Mançester Yunayted”də qalmağa qərar verdim. Ancaq həmin dövrün “Barselona”sı inanılmaz idi”.

Runi “Liverpul”dakı həmyerlisi Trent Aleksander Arnoldun “Real”la anlaşmasına da münasibət bildirib: “Real” dünyanın ən böyük klubudu. Karyera baxımından “Liverpul”dan ora keçid tamamilə məntiqlidi”.