“Evləri dəyişdirdilər, mənim xəbərim yoxdu? “Fənərbaxça” “Qalatasaray”ın meydanında uduzmur, amma evdə həm çempionatda, həm də kubokda yenilir”. Matc.az xəbər verir ki, bunu Türkiyənin veteran futbolçusu Nihat Kahveci ölkə kubokunun 1/4 final mərhələsində keçirilən “Fənərbaxça” – “Qalatasaray” oyunu barədə danışarkən deyib.

Sabiq hücumçu baş məşqçilər arasında yaşanan qalmaqal barədə də fikirlərini bildirib: “Birinci hissədəki “Qalatasaray”ı alqışlamayanın futboldan anlayışı yoxdu. “Fənərbaxça”nın baş məşqçisi bura niyə gəlib? Liqanın ilk 5 pilləsindəki rəqiblərə toxunmadı. İsmail Kartal 99 xal topladı, niyə getdi? Mourinyo kritik matçlarda hansı müdaxiləni etdi? Baş məşqçilərin aralarında nə olduğunu bilmirəm. Amma Joze Mourinyo arxadan gələrək Okan Burukun burnunu sıxdı, o da özünü yerə atdı. Dünyaya şəklimizi verdik, gözəl oldu”.

Kahveci “Fənərbaxça”nın baş məşqçisi Joze Mourinyonu tənqid edib: “Burun sıxmaq nə deməkdi? İlk dəfədi belə bir şey görürəm. Bir insan bunu niyə etsin? “Meymun kimi tiullanır” dedin, “Fənərbaxça” camiəsi sənə sahib çıxdı. Uğursuzluq bu hərəkətlərlə örtülməz”.

Qeyd edək ki, derbidə 2:1 hesablı qələbə qazanan “Qalatasaray” yarımfinala yüksəlib.