AFFA və Naxçıvan Futbol Federasiyasının (NFF) birgə təşkilatçılığı ilə U-10, U-11, U-12, U-13, U-14, U-15 və U-16 yaş qrupları üzrə Azərbaycan çempionatının Naxçıvan zonası üzrə oyunlarına start verilib.

Matc.az xəbər verir ki, aprelin 20-dək davam edəcək çempionatda ümumilikdə 42 komanda və 650-yə yaxın futbolçu iştirak edir.

Oyunlar 5 stadionda - Naxçıvan şəhər stadionu, Uzunoba Təlim-Məşq Bazası, Sədərək, Ordubad stadionları və Şərur OİK bazasında təşkil edilir. Matçları Naxçıvanın ümumilikdə 16 hakimi idarə edir.

U-13, U-14, U-15 və U-16 liqalarının qalibləri Bakıda keçiriləcək Azərbaycan çempionatının pley-off mərhələsinə vəsiqə qazanacaqlar.