"Kamp Nou" stadionunda VIP oturacaqların satışından əldə edilən 100 milyon avro gəlirin La Liqa hesabatına daxil edilməməsi "Barselona"nı maddi baxımdan çətinə salıb və bu səbəbdən Lamin Yamal ilə Voyçex Şesnin müqavilə müddətinin artırılması təxirə salına bilər.

Matc.az xəbər verir ki, bu barədə "Relevo" məlumat yayıb.

Bildirilir ki, Kataloniya klubu Yamal və Şesninin müqaviləsini uzatmaq üçün oyunçu satmaq məcburiyyətində qalıb. Transferə çıxarılacaq ən real namizədin mərkəz müdafiəçisi Ronald Arauxo olduğu vurğulanır.

Qeyd edək ki, uruqvaylı futbolçu yanvar ayında müqaviləsini 2031-ci ilə qədər uzadıb, lakin müqavilədə 65 milyon avroluq təzminat maddəsi yer alır. Kataloniyalılar bu variantın yayda aktivləşəcəyinə ümid edirlər.