Qadın futbolçulardan ibarət Azərbaycan millisi bu gün UEFA Millətlər Liqasında ikinci oyununu keçirib.

Matc.az xəbər verir ki, C Liqasının 4-cü qrupunda yer alan yığmamız Vilnüsdə Litva yığmasının qonağı olub.

"Jalgiris" stadionunda baş tutan qarşılaşmada Azərbaycan millisi Litvanı iki cavabsız qolla məğlub edib.  İlk turda Monteneqro seçməsi ilə qolsuz heç-heçə edən Siyasət Əsgərovun yetirmələri bu qələbə sayəsində xallarının sayını 4-ə çatdırıblar.

Millimiz növbəti matçını aprelin 8-də səfərdə Monteneqro yığmasına qarşı keçirəcək.

UEFA Millətlər Liqası
Qadınlar, C Liqası, IV qrup
4 aprel

Litva - Azərbaycan - 0:2 
Qollar: Manya Esra, 21, Nigar Mirzəliyeva, 55
Hakimlər: Marina Zechner, Biljana Iskin, Linda Thieme, Lena Hirtl (hamısı Avstriya)
Vilnüs, “Jalgiris” stadionu