04 Aprel 2025, 10:49
FUTBOL

Avropanın milli çempionatlarında bu mövsüm ən çox böyükhesablı qələbə qazanan komandalar müəyyənləşib. Matc.az xəbər verir ki, Misli Premyer Liqasının lideri “Qarabağ” bu siyahıda 4-cü pillədə qərarlaşır.
 
Ağdam təmsilçisi çempionatda keçirdiyi 28 görüşün 11-də üç və ya daha çox top fərqilə qalib gələrək bunu reallaşdırıb. Qurban Qurbanovun yetirmələri “Linkoln” (Cəbəllütariq), “Benfika” (Portuqaliya) və TNS-lə (Uels) bu pilləni bölüşür.
 
Azərbaycan çempionu yalnız “Seltik” (Şotlandiya – 17 darmadağın), “Srvena Zvezda” (Serbiya – 16) və “Barselona”dan (İspaniya – 12) geri qalır.
 
“Qarabağ” cari mövsüm Premyer Liqada dörd dəfə 3:0, üç dəfə 5:0, iki dəfə 4:1 və iki dəfə 4:0 hesablı qələbə qazanıb.
 

XƏBƏRİ PAYLAŞ
  • gplus
  • pinterest