“Fluminense” Renato Qauşonu baş məşqçi vəzifəsinə təyin edib. Matc.az xəbər verir ki, 62 yaşlı braziliyalı mütəxəssis Rio-de-Janeyro klubu ilə bu ilin sonuna qədər müqavilə imzalayıb.

Maraqlıdı ki, Qauşo artıq 7-ci dəfədi “Fluminense”nin baş məşqçisi təyin olunur. O, sonuncu dəfə bu komandaya 2014-cü ildə rəhbərlik edib. 2007-ci ildə isə “Fluminense”ni Braziliya Kubokunun qalibi edib.

Bundan əlavə, Qauşo “Qremio” ilə həm Libertadores Kubokunu, həm də Braziliya Kubokunu qazanıb.

Futbolçu karyerasında isə sabiq hücumçu 1989-cu ildə Amerika Kubokunun qalibi olub.