Türkiyə Superliqasının 30-cu turunda "Fənərbağça" ilə oyuna Mehmet Türkmənin baş hakim təyin edilməsi "Trabzonspor" rəhbərliyini razı salmayıb. Matc.az xəbər verir ki, klubun vitse-prezidenti Taner Fikrət bununla bağlı narazılığını dilə gətirib.

O, bu vaxta qədər liqada 30 xalın əllərindən alındığını vurğulayıb. T.Fikrət 18 görüşə eyni hakimlərin təyinat almasını qınayıb: “Bu, planlaşdırılmış əməliyyatdı".

Klub rəsmisi Mehmet Türkmənin 6-cı dəfə "Trabzonspor"un oyununda iş başında olacağını açıqlayıb: “Türkmən "Fənərbağça" azarkeşidi. Haqsızlıq və ədalətsizliklə barışmayacağıq”.

Qeyd edək ki, "Fənərbağça" - "Trabzonspor" matçı aprelin 6-da keçiriləcək.