"Nottingem Forest"ə başçılıq edən portuqaliyalı mütəxəssis Nuno Espirito Santo İngiltərə Premyer Liqasında mart ayının ən yaxşı məşqçisi seçilib.

Matc.az xəbər verir ki, bu barədə qurumun mətbuat xidməti "X" sosial şəbəkəsində məlumat yayıb.

Mart ayında "meşəçilər" ardıcıl olaraq "Mançester Siti" və "İpsviç Taun"u məğlub edərək iki qələbə qazanıblar. İngiltərə Premyer Liqasının 30 turundan sonra "Nottingem Forest" 57 xalla turnir cədvəlinin üçüncü pilləsində qərarlaşıb.

Qeyd edək ki, Espirito Santo "Nottingem Forest"ə 2023-cü ildən rəhbərlik edir. Portuqaliyalı məşqçi əvvəllər "Vulverhempton", "Tottenhem", "Porto", "Valensiya", "Rio Ave" və Səudiyyə Ərəbistanının "Əl-İttihad" klubunda işləyib.