Çempionlar Liqasının 1/8 final mərhələsinin "Atletiko" ilə cavab qarşılaşmasında (1:0, 4:2 pen.) nalayiq davranışda ittiham olunan "Real"ın futbolçuları Kilian Mbappe, Antonio Rudiger və Daniel Seballosun intizam işi ilə bağlı qərarını açıqlanıb.

Matc.az xəbər verir ki, bu barədə məlumatı UEFA-nın rəsmi saytı paylaşıb.

Rudiger 40 min avro, Mbappe 30 min avro cərimələnib. Hər iki futbolçu həmçinin şərti olaraq bir oyunluq diskvalifikasiya (UEFA-nın himayəsi altında keçirilən turnirlərdə) alıb. Bir il ərzində eyni qayda pozuntusuna yol versələr, cəza tədbiq ediləcək.

Seballos isə diskvalifikasiya edilmədən 20 min avro məbləğində cərimə edilib.

Qeyd edək ki, ilkin olaraq etika və intizam müfəttişi sözügedən matçda Madrid klubunun hücumçusu Vinisius Juniorun davranışını da araşdırıb, lakin sonda braziliyalı futbolçuya qarşı intizam işi açılmayıb.