"Barselona" "Fiorentina"nın 25 yaşlı hücumçusu Moyze Kinlə maraqlanır.

Matc.az xəbər verir ki, bu barədə "La Gazzetta dello Sport" məlumat yayıb.

Bildirilir ki, Kataloniya klubu italyan futbolçunu 36 yaşlı hücumçu Robert Levandovskinin potensial əvəzləyicisi kimi nəzərdən keçirir.

Kinin müqaviləsində 52 milyon avroluq təzminat maddəsi var. Hücumçu İngiltərə Premyer Liqasının adı açıqlanmayan klublarının da maraq dairəsindədir.

Qeyd edək ki, Moyze Kin bu mövsüm bütün turnirlərdə 35 oyun keçirib, 21 qol vurub və 3 məhsuldar ötürmə edib. 25 yaşlı hücumçusu klubla hazırkı müqaviləsi 2029-cu ilin yayına kimi nəzərdə tutulub. "Transfermarkt" portalında futbolçunun dəyəri 40 milyon avrodur.