Türkitə Superlisının 25-ci həftəsində oynanılan "Qalatasaray" – "Fənərbaxça" derbisindən sonra, rəqib komandanın ehtiyat oyunçular skamyasını göstərərək "meymun kimi tullandılar" dediyi üçün, Joze Mourinyoya qarşı edilən şikayət iddası təmin edilməyib.

Matc.az xəbər verir ki, "Fənərbaxça" klubu "Qalatasaray"ın Mourinyoya qarşı şikayətinin mühakimə olunmaması ilə yekunlaşdığını açıqlayıb.

"Qalatasaray" klubunun baş məşqçimiz Joze Mourinyoya qarşı irqçilik əsaslı cinayət işi qaldırması nəticəsində İstanbul Baş Prokurorluğu hər hansı cinayətin baş vermədiyinə və təqibə ehtiyac olmadığına qərar verdi. Qısacası, şikayət iddiası təqibsizlik ilə nəticələnib".