PSJ-nin baş məşqçisi Luis Enrike Fransa Liqa 1-in 28-ci turunun "Anje" ilə oyunu öncəsi FIFA klublararası dünya çempionatının yeni formatı haqda danışıb.

Matc.az xəbər verir ki, təcrübəli mütəxəssis yeni format haqqda müsbət fikirlər bildirib:

"Bu, azarkeşlər üçün maraqlı olacaq maraqlı formatdır. Düşünürəm ki, bu turnir dünyanın ən yaxşı komandasını müəyyən edəcək. Amma biz hələ klublararası dünya çempionatından danışmırıq, çünki bütün enerjimiz sabahkı oyuna yönəlib. Biz Fransanı təmsil edəcəyik ki, bu da əlavə motivasiya mənbəyi olacaq".

Sabah baş tutacaq "Anje" ilə qarşılaşmada PSJ qələbə qazansa, vaxtından əvvəl çempionluğu elən edəcək.

Qeyd edək ki, iyunun 15-dən iyulun 13-dək ABŞ-da keçiriləcək turnirdə müxtəlif futbol konfederasiyalarından 32 klub iştirak edəcək. Onlar hər birində 4 komanda olmaqla 8 qrupa bölünəcəklər.