"Tottenhem" bu yay "Bavariya"dan 19 yaşlı hücumçu Matis Teli transfer etməyi planlaşdırır. Fransız futbolçu fevral ayında icarə əsasında London klubuna keçib.

Matc.az xəbər verir ki, bu barədə məlumatı "Give me Sport" paylaşıb.

Bildiliri ki, İngiltərə təmsilçisi Teli 45 milyon funta (53,1 milyon avro) heyətinə qata bilər. "Tottenhem" 19 yaşlı futbolçunu 32 yaşlı Son Hen Minin əvəzləyicisi kimi nəzərdən keçirir. Cənubi koreyalı futbolçu cari mövsümün sonunda satıla bilər.

Qeyd edək ki, Matis Tel London klubuna keçdikdən sonra bütün turnirlərdə 8 matçda iştirak edib və bir qol vurub. 19 yaşlı hücumçunun Münhen klubu ilə hazırkı müqaviləsi 2029-cu ilin yayına qədərdir. "Transfermarkt" portalında futbolçunun dəyəri 40 milyon avrodur.