"Əl-Nəsr"in yarımmüdafiəçisi Marselo Brozoviç Türkiyədə çıxış edə bilər.

Matc.az "Fanatik" nəşrinə istinadən xəbər verir ki, "Trabzonspor" xorvatiyalı futbolçunu heyətinə qatmaq istəyir.

Super Liqa klubu Brozoviç üçün "Əl-Nəsr"lə danışıqlara başlayıb. "Trabzonspor" 32 yaşlı dayaq yarımmüdafiəçisinin transferini qısa zaman ərzində həll etməyə çalışır.

Qeyd edək ki, Marselo Brozoviç başa çatan mövsümdə "Əl-Nəsr"in heyətində keçirdiyi 41 oyunda 2 qol vurub, 6 qol ötürməsi edib.