"Mançester Siti"nin niderlandlı mərkəz müdafiəçisi Natan Ake yayda İngiltərə klubundan ayrılmağı düşünür.

Matc.az xəbər verir ki, bu barədə məlumatı Fabrisio Romano paylaşıb.

Bildirilir ki, 31 yaşlı futbolçu hazırda mövsümü başa vurmağa diqqət yetirir, lakin eyni zamanda transfer üçün fəal şəkildə araşdırma aparılır. İtaliya klublarının yanvar ayından etibarən oyunçu ilə maraqlandığını və yayda danışıqlara qayıda biləcəyi bildirilir.

Ake bu mövsüm "Siti" klubunda bütün yarışlarda 29 oyunda iştirak edib, lakin fərqlənə bilməyib. Niderlandlı futbolçunun klubla müqaviləsi 30 iyun 2027-ci ilə qədərdir və "Transfermarkt" onun transfer dəyərini 15 milyon avro olaraq qiymətləndirir.