"Arsenal" "Çelsi"nin yarımmüdafiəçisi Entso Fernandesin transferi üçün mübarizəyə qoşulub.

Matc.az xəbər verir ki, bu barədə "TEAMtalk" məlumat yayıb.

"Topçular" argentinalı futbolçu uğrunda yarışda "Mançester Siti" və "Barselona"ya rəqib olacaqlar. Fernandes London klubunun layihəsinin inkişafından narazılığını bildirən bir neçə oyunçudan biridir.

​"Çelsi" Argentina millisinin üzvünü satmaq istəyini büruzə verməsə də, ona olan maraq artmaqda davam edir.

Xatırladaq ki, Entso 2023-cü ilin yanvarında "Benfika"dan "mavilər"in heyətinə 121 milyon avroya keçib. 25 yaşlı yarımmüdafiəçi bu mövsüm komandanın heyətində keçirdiyi 50 oyunda 13 qol vurub, 6 məhsuldar ötürmə edib.