"Əl-Nəsr" Səudiyyə Ərəbistanı çempionatının XXXIII turunun səfər qarşılaşmasında "Əş-Şəbab" üzərində 4:2 hesablı qələbə qazanıb.

Matc.az xəbər verir ki, qonaqların heyətində 41 yaşlı Kriştiano Ronaldo bir qolla yadda qalıb.

​Bu qol dünya futbolunun superulduzu üçün yubiley xarakteri daşıyıb. Ronaldu Səudiyyə liqası çərçivəsində 100-cü qolunu vurub. Portuqaliyalı hücumçu bu nəticəyə nail olmaq üçün 105 matça çıxıb.

Portuqaliyalı forvard ​2025/2026 mövsümündə 28 qarşılaşmada 26 qol və 2 məhsuldar ötürmə ilə fərqlənib. Ronaldo 2023-cü ilin yanvarından Səudiyyə Ərəbistanında çıxış edir. Onun "Ən-Nəsr" ilə hazırkı müqaviləsi 2027-ci ilin iyun ayının sonuna qədər nəzərdə tutulub.