Lənkəranda yeniyetmə cüdoçular arasında regional birinciliyə yekun vurulub. Matc.az xəbər verir ki, Azərbaycan Cüdo Federasiyasının dəstəyi ilə keçirilən yarışda Masallı, Salyan, Şirvan, Lənkəran, İmişli, Sabirabad və Biləsuvar idmançıları mübarizə aparıblar.
 
İlk yarış günündə U-15, ikinci gün isə U-18 yaş qrupu üzrə yeniyetmə cüdoçular medallar uğrunda yarışıblar. Daha yaxşı nəticə göstərən Masallı cüdoçuları fəxri kürsünün ən yüksək pilləsinə çıxıblar.
 
Qaliblərə Azərbaycan Cüdo Federasiyasının diplomları və medalları təqdim olunub.
 
Qeyd edək ki, bundan öncə Göygöl, Naftalan, Mingəçevir, Şamaxı və Xaçmaz şəhərlərində region birincilikləri baş tutub.

XƏBƏRİ PAYLAŞ
  • gplus
  • pinterest