19 İyul 2021, 23:55
DÖYÜŞ NÖVLƏRİ

Avqustun 1-dən 7-dək Tokio Olimpiadasında güləş yarışları keçiriləcək. Matc.az xəbər verir ki, Azərbaycanı Olimpiya Oyunlarında təmsil edəcək hər 3 güləş növü üzrə millilərimiz son hazırlıq mərhələsinə keçib.
 
Belə ki, Göygöl Olimpiya İdman Kompleksində təlim-məşq toplanışını başa vuraraq, Bakıya qayıdan yığmalarımız Tokioya səfər ərəfəsində son 1 həftəlik hazırlıq prosesini paytaxtda keçəcək.
 
Bu gün Olimpiya Güləş Mərkəzində son hazırlıq mərhələsinə start verilib. Bu məşqlər əsasən taktiki-texniki çalışmalar üzərində qurulacaq. Olimpiyaçılarımız ölkə xaricindən dəvət olunmuş sınaqçı-rəqiblərlə (sparrinq) birgə hazırlıq prosesini davam etdirəcək.
 
Qeyd edək ki, komandalarımız Tokioya iyulun 27-də yollanacaq.
 

XƏBƏRİ PAYLAŞ
  • gplus
  • pinterest