01 Dekabr 2023, 10:28
FUTBOL

UEFA reytinqində Azərbaycanın xal ehtiyatı artırıb. Matc.az xəbər verir ki, bu, "Qarabağ"ın UEFA Avropa Liqasının qrup mərhələsinin V turunda Norveçdə "Molde" ilə heç-heçə (2:2) etməsi nəticəsində gerçəkləşib.
 
Bu bərabərlik sayəsində ölkə reytinqinə daha 0,500 xal əlavə edilib. Azərbaycan hazırda 18.125 əmsalla 29-cu sırada yer alır. Cari mövsümdəki əmsal isə 3,875-ə çatıb.
 
UEFA-nın qərarı ilə klubları avrokuboklarda iştirak etməyən Rusiya 18.632 xalla 28-ci sıradadır.
 
Reytinqə 98,678 əmsalla İngiltərə başçılıq edir. İspaniya (84,739) ikinci, İtaliya (80.998) isə üçüncü pillədə yer alıb.

XƏBƏRİ PAYLAŞ
  • gplus
  • pinterest