Ölkələrin yeni UEFA reytinqi açıqlanıb. Matc.az xəbər verir ki, avrokubokların III təsnifat mərhələsinin ilk oyunlarının son günündə qeydə alınan nəticələr bəzi dəyişikliklərə səbəb olub.

Avropa Liqası və Konfrans Liqasındakı qarşılaşmalar Azərbaycanın mövqeyinə isə təsir etməyib. Hazırda 18,500 xala malik ölkəmiz reytinq siyahısında 24-cü sırada qalıb.

Baş tutan son oyunlarda “Zirə” Xorvatiyada “Osiyek”lə 1:1 hesablı heç-heçə edib. Bununla da “qartallar” ölkəmizə 0,125 xal qazandırıblar. Konfrans Liqasındakı digər təmsilçimiz “Sabah” isə İrlandiyada “Sent Patriks”ə 0:1 hesabı ilə uduzduğundan, reytinqdəki xalımızı artıra bilməyib.

Qeyd edək ki, reytinq siyahısına 89,160 xala malik İngiltərə başçılıq edir.