“Araz-Naxçıvan” bunadək mövsüm ərzində ən çox qələbəni ötən çempionatda əldə edib.

“Araz-Naxçıvan” bir mövsüm ərzində qazanılan qələbə sayında tarixinin rekordunu təkrarlayıb. Matc.az xəbər verir ki, bu barədə Peşəkar Futbol Liqasının saytında məlumat yayılıb.

Elmar Baxşıyevin yetirmələri cari çempionatda 9-cu dəfə qalib gəliblər. Naxçıvan təmsilçisi Misli Premyer Liqasının XIII turunda “Sumqayıt”ı bir qolla məğlub edib.

“Araz-Naxçıvan” bunadək mövsüm ərzində ən çox qələbəni ötən çempionatda əldə edib. Komanda 2023/24 mövsümünün 36 görüşündə 9 dəfə üç xala sevinib. Bu dəfə Baxşıyevin yetirmələri eyni sayda qələbəni 13 matçda qazanıblar. Növbəti qələbə yeni rekordla əlamətdar olacaq.

Qeyd edək ki, Naxçıvan klubu mübarizəni erkən dayandırdığı çempionatı saymasaq, yüksək dəstədə 4-cü mövsümünü keçirir.