"Roma" yarımmüdafiəçisi Lorentso Pelleqrini ilə müqavilənin müddətini uzatdığını elan edib.

Matc.az xəbər verir ki, bu barədə klubun mətbuat xidməti məlumat yayıb.

Razılaşmanın təfərrüatları dəqiqləşdirilməsə də, 30 yaşlı futbolçu ilə müqavilə 2027-ci ilə qədər qüvvədə olacaq və daha bir mövsüm uzadıla bilər.

Pelleqrini "Roma"nın yetirməsidir. Onun klubun heyətində debütü 2015-ci ildə baş tutub, bundan sonra o, iki mövsüm "Sassuolo"da çıxış edib və daha sonra Romaya qayıdıb.

Pelleqrini 2021-ci ildən 2025-ci ilə qədər olan dövrdə "Roma"nın kapitanı olub.