"Bavariya"nın baş məşqçisi Vensan Kompani virus infeksiyası səbəbindən "Arsenal"la keçiriləcək UEFA Çempionlar Liqasının ümumi mərhələsinin üçüncü turunun oyunundan əvvəlki mətbuat konfransını və komandasının məşqini qaçırıb.

Matc.az xəbər verir ki, bu barədə Almaniya klubunun mətbuat xidməti məlumat yayıb.

Klubun rəsmi bəyanatında baş məşqçinin vəziyyəti barədə məlumat verilib: "Vensan Kompani keçirdiyi virus infeksiyasından sonra özünü qorumalıdır, bu səbəbdən bugünkü məşqi və mətbuat konfransını qaçırır".

Xatırladaq ki, belçikalı mütəxəssis infeksiyaya yoluxmasına baxmayaraq, Bundesliqanın altıncı turunun "Leypsiq"lə (6:1) oyununda iştirak etmişdi.