İsveç çempionatında 25-ci turun oyunları keçirilir.

Matc.az xəbər verir ki, Musa Qurbanlının formasını geyindiyi "Yurqorden" növbəti görüşünə çıxıb. Komanda dogma meydanda "Halmstads"ı qəbul edib. Dueldə ev sahibi komandası minimal hesablı qələbə qazanıb – 1:0. Azərbaycanlı futbolçu sözügedən görüşdə meydana start heyətdə çıxıb. O, sonadək mübarizə aparıb.

Qeyd edək ki, "Yurqorden" hazırda turnir cədvəlində 43 xalla 4-cüdür. Siyahıya 52 xalla (24 oyun) "Malmö" liderlik edir.