"çelsi"nin baş məşqçisi Maurisio Poçettino komandanın ukraynalı yarımmüdafiəçisi Mixail Mudrik haqda danışıb.

Matc.az xəbər verir ki, çalışdırıcı bu barədə yerli mətbuata açıqlama verib: "O, daha çox uyğunlaşmağa və meydandakı hər vəziyyətə müdaxilə etməyə çalışır. Mudrik unikal oyunçudur. O, inteqrasiya etməyə və komandada oynamağın nə demək olduğunu daha yaxşı başa düşməyə çalışmaq üçün çox səy göstərir".

Qeyd edək ki, 22 yaşlı Mudrik Ukrayna futbol tarixinin ən bahalı futbolçusudur. Yanvarda o, 70 milyon avroya "Şaxtyor"dan "çelsi"yə keçib.