"Barselona"nın hücumçusu Robert Levandovski ayaq biləyindəki zədə səbəbindən qeyri-müəyyən müddətə sıradan çıxıb.

Matc.az xəbər verir ki, bu barədə yerli mətbuat məlumat yayıb. 35 yaşlı polşalı çempionlar Liqasında "Portu" ilə matçda (1:0) zədələnib. Kataloniya təmsilçisi bu haqda bəyanat yayıb:

"Bu səhər aparılan müayinə Robert Levandovskinin sol topuq nahiyəsində burulma olduğunu göstərdi. O, sıradan çıxıb. Qayıdışının vaxtı sağalması irəlilədikcə məlum olacaq". 

Qeyd edək ki, bu mövsüm Levandovski "Barselona"nın heyətində 10 oyun keçirib, 6 qol vurub və 4 məhsuldar ötürmə edib.