"Real"ın hücumçusu Vinisius Junior PSJ-nin hücumçusu Kilian Mbappenin İspaniya klubuna keçməsini istəmir.

Matc.az xəbər verir ki, bu barədə yerli mətbuat məlumat yayıb. İddia olunur ki, braziliyalı Mbappe gəlsə, komandadakı statusunun aşağı düşəcəyindən ehtiyat edir. Belə olan halda Vinisius Madrid təmsilçisinin əsas ulduzu olmaqdan çıxacaq. Bundan əlavə, forvard Mbappenin "Real"a keçməsinin onun "Qızıl top"u qazanmaq şansını azaldacağına inanır. Mbappe müqavilə bağlayacağı təqdirdə Vinisiusun "Real"dan ayrılmağı düşünə biləcəyini iddia etdi.