23 Oktyabr 2023, 16:05
FUTBOL

"Futbolumuzda Premyer Liqadan əlavə birinci və ikinci liqaların olması sevindirici haldı"

"Futbolumuzda Premyer Liqadan əlavə birinci və ikinci liqaların olması sevindirici haldı". Bunu matc.az saytına açıqlamasında 21 yaşadək futbolçulardan ibarət Azərbaycan millisinin baş məşqçisi Samir Əliyev deyib.
 
Mütəxəssis I Liqa və II Liqanın getdikcə daha yaxşı inkişaf edəcəyini bildirib: "2-3 ildən sonra bu liqalarda daha maraqlı mübarizənin şahidi olacağıq. Dünya praktikasından da görmüşük ki, yaxşı futbolçular təkcə yüksək dəstədə oynayan klubların akademiyalarından yox, həmçinin aşağı liqalardan da çıxırlar. O futbolçuların arasında inkişaf edə-edə böyük uğur əldə edənlər, ulduz futbolçulara çevrilənlər də olur. İnanıram ki, bizim I və II liqaların səviyyəsi bir neçə ilə daha da artacaq. Bu liqalar Azərbaycan futboluna yeni isimlər qazandıracaq".
 
O, I Liqada çempionluğa namizədləri də açıqlayıb: "İlk turlarda qeydə alınan nəticələrdən görünən odur ki, I Liqada "Şamaxı", "Karvan", "İmişli", "Qaradağ Lökbatan", "İrəvan" və MOİK komandaları Premyer Liqaya çıxmaq uğrunda mübarizə aparacaqlar. Birinci dövrə bitəndən sonra daha dəqiq fikir bildirmək olar".

XƏBƏRİ PAYLAŞ
  • gplus
  • pinterest