09 Noyabr 2023, 12:44
FUTBOL

Həftəsonu Azərbaycan Premyer Liqasında XIII turun oyunları keçiriləcək. Matc.az saytı xəbər verir ki, sabah turun ilk oyunu keçiriləcək.
Açılış matçı “Dalğa Arena”da olacaq. Mövsümün sürpriz komandası “Araz-Naxçıvan” baş məşqçisiz qalan debütant “Kəpəz”i sınağa çəkəcək.
 
Ertəsi gün turnir cədvəlində qonşu komandaların görüşləri olacaq. Əvvəlcə eyni xala malik “Neftçi” ilə “Sumqayıt” birincilərin meydanında üz-üzə gələcək. Ardından “Turan Tovuz” “Sabah”ı qəbul edəcək.
 
Son gündə liderlər meydana çıxacaq. “Zirə” uğursuz mövsüm keçirən “Qəbələ” ilə doğma azarkeşləri önündə qarşılaşacaq. Turun mərkəzi matçı isə Tofiq Bəhramov adına Respublika stadionunda oynanılacaq. İkinci pillədəki “Qarabağ” üçüncü sırada yer alan “Səbail”i qəbul edəcək.
 
Premyer Liqa
XIII tur
 
10 noyabr
19:00. “Araz-Naxçıvan” – “Kəpəz”
“Dalğa Arena”
 
11 noyabr
16:30. “Neftçi” – “Sumqayıt”
“Neftçi Arena”
 
19:00. “Turan Tovuz” – “Sabah”
Tovuz şəhər stadionu
 
12 noyabr
16:30. “Zirə” – “Qəbələ”
Zirə İdman Kompleksinin stadionu
 
19:00. “Qarabağ” – “Səbail”
Tofiq Bəhramov adına Respublika stadionu

XƏBƏRİ PAYLAŞ
  • gplus
  • pinterest