“Real"in baş məşqçisi Karlo Ançelotti "Barselona"nın sabiq müdafiəçisi Xerard Pikenin Madrid klubunun Çempionlar Liqasındakı son qələbəsinin layiqli olub-olmamasını şübhə altına alan sözlərinə cavab verib.

Matc.az xəbər verir ki, italiyalıdan "Braqa" üzərində qələbədən (3:0) sonra Pikenin sözlərinə münasibət bildirmək istənilib. Çalışdırıcı bu barədə açıqlama verib: “Pikenin sözləri? O, öz aləmində yaşayır. Çempionlar Liqasındakı 14-cü qələbəmizi heç kim heç vaxt unutmayacaq. Biz bunu həyatımızın sonuna qədər xatırlayacağıq”.

Qeyd edək ki, Pike 2022-ci ildə “Real”ın Çempionlar Liqasını qazanmasını heç kimin xatırlamayacağını söyləyib.