“Yuventus"un və Braziliya millisinin sabiq futbolçusu Felipe Melo fransalı PSJ-nin hücumçusu Kilian Mbappenin Cənubi Amerika futbolu ilə bağlı sözlərinə sərt cavab verib.

Matc.az xəbər verir ki, o bu barədə yerli mətbuata açıqlama verib: “Mbappe axmaqdır. Mənə görə bu axmaqlıqdır. Argentina Fransa qarşısında üç qol vurdu və Dünya Kubokunu qazandı. Messi dünyanın ən yaxşısı kimi tanındı. Mbappenin öyrənməli olduğu çox şey var. Dünya çempionatında bu qədər qələbə qazanan Cənubi Amerika futbolu haqqında belə danışmaq olmaz. Mbappe burada nədən danışa bilər? Mənim üçün o, üç-dörd “Qızıl top”u qazanacaq böyük oyunçudur, amma dilini dişləmək məcburiyyətindədir. Cənubi Amerika futbolunun standart olduğuna inanıram. Futbol oynamağı, qol vurmağı bilən futbolçularımız var. Xoşbəxtlikdən ona qarşı oynamaq imkanım olmadı. Hansımızın şanslı olduğunu bilmirəm: mən, yoxsa o”.

Qeyd edək ki, 2022-ci ildə Mbappe Cənubi Amerikada futbolun Avropadakı qədər inkişaf etmədiyini, son dünya çempionatını Avropa komandalarının qazandığını bildirib.