2024-cü il yanvarın 15-də Londonda “The Best FIFA Football Awards”ın səkkizinci mərasimi keçiriləcək.

Matc.az xəbər verir ki, Beynəlxalq Futbol Federasiyasının rəsmi saytı bu barədə məlumat yayıb. Böyük Britaniyanın paytaxtında keçiriləcək mərasimdə kişi və qadın futbolunun ən yaxşı oyunçusu, ən yaxşı məşqçisi, ən yaxşı qapıçısı və ilin ən yaxşı qolu üçün Puşkas kuboku da daxil olmaqla 11 mükafat təqdim olunacaq.

Qeyd edək ki, FİFA əsas kateqoriyalar üzrə finalçıları yaxın həftələrdə açıqlayacaq.