"Yuventus"un və İtaliya yığmasının əfsanəvi müdafiəçisi Corcio Kyellini "Vest Hem", Premyer Liqa haqda təəccüblü açıqlama verib.

Matc.az xəbər verir ki, Kyelliniyerli mətbuata müsahibəsində italyan hücumçu Canluka Skamakkanın “Vest Hem”də niyə oynaya bilmədiyini müzakirə edib: “İngiltərədə oynamaq hər kəs üçün çox çətindir. Çünki fiziki olaraq 100 faizdən çox hazır olmalısan. Premyer Liqa dünyanın istənilən digər liqalarından qat-qat yaxşıdır. Çox az oyunçu qısa müddətdə uyğunlaşa bilir. Futbolçulara, xüsusən də gənclərə vaxt ayırmırlar. Düşünmürəm ki, Skamakka mədəni aspektə görə “Vest Hem”də oynamadı. Skamakka "Yuventus", "İnter" və ya "Milan"a getsəydi, eyni şey olardı. Ona vaxt lazımdır. İtaliyada onun üçün daha asandır, çünki liqanı bilir. Amma “Vest Hem” A Seriyasının ən yaxşı komandası ilə bərabərdir. (Chris) Smalling, (Fikayo) Tomori və ya (Ruben) Loftus-Cheek görmüsünüz? Fiziki cəhətdən onlar İtaliyanın əksər oyunçularından üç dəfə yaxşıdırlar. Fiziki olaraq, rəqiblərini məhv etməyə imkan verən üstünlüyə sahibdirlər. Bu, asan başa düşüləcək bir şey deyil”.