“Bavariya” Almaniya Bundesliqasının XIV turunda “Ayntraxt”a 1:5 hesabı ilə uduzub. Matc.az xəbər verir ki, bununla Avropada məğlub olmayan bir komanda qalıb.

Bu, Avropa Liqasında “Qarabağ”la eyni qrupda yer alan “Bayer”di. Leverkuzen təmsilçisi geridə qalan turda “Ştutqart”la bərabərə qalıb (1:1). “Bayer” hazırda Bundesliqada 36 xalla turnir cədvəlinə liderlik edir.

Xabi Alonsonun kollektivi Avropa Liqasında da qrupda keçirdiyi 5 görüşün hamısında qələbə qazanıb.