Azərbaycan millisinin hücumçusu Ramil Şeydayev cəzalandırılıb. Matc.az xəbər verir ki, 27 yaşlı forvard 8 oyunluq cəzaya məruz qalıb.

Tailandın “Buriram Yunayted” klubunda çıxış edən Şeydayev Asiya Çempionlar Liqasında Çinin “Zhejiang” klubu ilə keçirilən səfər görüşünün ardından kütləvi davada iştirak etdiyi üçün Asiya Futbol Konfederasiyası tərəfindən diskvalifikasiya olunub. Həmçinin, onun komanda yoldaşları və rəqibin bir neçə üzvü də cəzaya məruz qalıb.

Qeyd edək ki, oyun “Buriram Yunayted”in 2:3 hesablı məğlubiyyəti ilə yekunlaşıb.