Futzal üzrə Azərbaycan millisi DÇ-2024-ün elit-raund mərhələsində Rumıniya ilə keçirəcəyi oyunun hazırlığını davam etdirir. Matc.az xəbər verir ki, Bakıda təlim-məşq toplanışında olan yığmanın mətbuat üçün açıq məşqi təşkil olunacaq.

Bakı İdman Sarayında ilk 15 dəqiqəsi açıq olacaq məşq dekabrın 13-də baş tutacaq və 10:00-da start götürəcək. Hazırlıqdan 15 dəqiqə əvvəl isə baş məşqçi Vitali Borisovun brifinqi olacaq.

Qeyd edək ki, dekabrın 15-də Bakı İdman Sarayında keçiriləcək Azərbaycan - Rumıniya oyunu saat 20:00-da başlayacaq. Komandamız ayın 20-də Niderlandın qonağı olacaq.