Avropa Liqasının qrup mərhələsində keçiriləcək “Qarabağ” – “Hekken” (İsveç) oyunundan bir gün əvvəl keçiriləcək mətbuat konfransı və media nümayəndələri üçün açıq məşqin tarixi bəlli olub. Matc.az xəbər verir ki, əvvəlcə Ağdam təmsilçisinin baş məşqçisi Qurban Qurbanov media önünə çıxacaq.

O, dekabrın 13-də saat 13:15-də matçın oynanılacağı Tofiq Bəhramov adına Respublika stadionunda sualları cavablandıracaq. Ağdamlılar saat 16:30-da “Azersun Arena”da məşqə çıxacaq.

“Hakken”in baş məşqçisi Per-Matias Hoqmonun mətbuat konfransı usə saat 18:15-də olacaq. Bundan yarım saat sonra isveçlilər mərkəzi arenada məşq edəcək.

Qeyd edək ki, dekabrın 14-də keçiriləcək “Qarabağ” – “Hekken” görüşü saat 21:45-də başlayacaq.