Yunanıstan çempionatının oyunları azarkeşsiz keçiriləcək. Matc.az xəbər verir ki, bu barədə hökumət sözçüsü Pavlos Marinakis məlumat verib.

O bildirib ki, fevralın 12-dək bütün futbol qarşılaşmaları boş tribunalar önündə olacaq. Qərar azarkeş qruplarının zorakılığı dayandırması məqsədilə qəbul olunub.

Qeyd edək ki, keçən həftə Afinada voleybol görüşü zamanı 150 azarkeşlə yerli polislər arasında qarşıdurma baş verib. Nəticədə hüquq-mühafizə orqanlarının əməkdaşlarından biri ağır yaralanıb.