Azərbaycanın avrokuboklardakı yeganə təmsilçisi “Qarabağ” tarixi uğura imza atıb. Matc.az saytı xəbər verir ki, Ağdam təmsilçisi Avropa Liqasında qrup səddini aşan ilk Azərbaycan klubu olub.

Komandamız qrupun son turunda Tofiq Bəhramov adına Respublika stadionunda İsveç klubu “Hekken”i 2:1 hesabı ilə məğlub edərək buna nail olub. Bununla yer aldığı H qrupunda 10 xalla ikinci yeri tutan Qurban Qurbanovun yetirmələri turnirdə mübarizəni davam etdirəcək.

“Qarabağ” 2024-cü ildə pley-off mərhələsində mübarizəyə qoşulacaq. Rəqib isə Çempionlar Liqasının qruplarında 3-cü yeri tutan komandalardan biri olacaq. Bu raundun püşkü dekabrın 18-də atılacaq. Oyunlar isə fevralın 15-də və 22-də keçiriləcək.

Qrupun digər qarşılaşmasında “Bayer” “Molde”ni 5:1 hesabı ilə məğlub edib. Beləliklə, 18 xalla birinci olan “Bayer” 1/8 finala, “Qarabağ” pley-offa yüksəlib, “Molde” 7 xalla Konfrans Liqasının pley-offuna yollanıb. Aktivinə xal yazdıra bilməyən “Hekken” isə avrokuboklarla vidalaşıb.

Avropa Liqası

VI tur

14 dekabr

21:45. “Qarabağ” – “Hekken” (İsveç) 2:1

Qollar:  Leandro Andrade, 1; Yassin Benzya, 45+4 - Bədavi Hüseynov, 90+4 (avtoqol)

Qırmızı vərəqə: Marko Veşoviç, 56

Baş hakim: Yucin Caya (Albaniya)

Bakı. Tofiq Bəhramov adına Respublika stadionu

Qarabağ: 99. Andrey Lunyov, 6. Julio Romao, 7. Yassin Benzya, 8. Marko Yankoviç, 10. Abdullah Zubir (k), 13. Bəhlul Mustafazadə, 15. Leandro Andrade, 18. Olavio Juninyo, 29. Marko Veşoviç, 44. Elvin Cəfərquliyev, 55. Bədavi Hüseynov (k).

Ehtiyat oyunçular: 23. Luka Quqeşaşvili, 89. Amin Ramazanov, 2. Mateus Silva, 4. Rahil Məmmədov, 5. Maksim Medvedev, 17. Hamidu Keyta, 19. Redon Cica, 20. Riçard Almeyda, 27. Toral Bayramov, 30. Abbas Hüseynov,  66. Patrik Andrade, 90. Nəriman Axundzadə.
Baş məşqçi: Qurban Qurbanov.
Hakken: 26. Peter Abrahamson, 4. Ayham Usu, 5. Even Hovland, 10. Ali Yussef, 11. Samuel Qustafson (k), 13. Simon Sandberq, 17. Eduard Çilufya, 18. Mikkel Riqaard, 21. Tomas Totland, 23. Mamadu Sonko, 27. Romeo Amane.
Ehtiyat oyunçular: 1. Yohan Brattberq, 30. Sebastyan Banoziç, 8. Abdulrazaq İshaq, 16. Pontus Dabho, 19. Srcan Hrstiç, 25. Abdulaye Faye, 33. Con Pol Dembe, 35. Siqqe Yansson.
Baş məşqçi: Per Matias Hoqmo.