"Bavariya"nın müdafiəçisi Matthis de Liqt cümə axşamı ümumi komanda ilə məşqlərə başlayıb.

Matc.az xəbər verir ki, bu barədə klubun rəsmi saytı məlumat yayıb. 24 yaşlı hollandiyalı diz bağlarının zədələnməsi səbəbindən noyabrın əvvəlindən sıradan çıxıb. O, Almaniya kubokunun 1/16 finalında "Saarbrüken"lə oyunda (1:2) zədələnib.

Qeyd edək ki, bu mövsüm de Liqt "Bavariya"nın heyətində 10 oyun keçirib və 1 qol vurub.